樂易玲爆喪喊 Bosco寧死「殉情」

無綫高層樂易玲昨日接受查小欣電話訪問，回應Bosco與胡杏兒分手。她透露前晚與Bosco傾談至凌晨，爆對方喊得勁，又表示會等杏兒。有傳他半年內與三名女子拍拖？樂小姐即力撐：「好肯定佢唔係咁嘅人，冇可能！」又指他一直想與杏兒結婚。問到報道對Bosco負面？她說：「佢捱得住，佢話有傷就傷佢，唔想任何嘢傷杏兒，仲話任何一句唔好嘅說話對杏兒，佢寧願死！」至於為何分手，樂小姐指可能時間不對，而傳言或有影響關係。

Bosco好友鄧智偉昨日亦接受電話訪問，他表示曾到上海陪伴對方，前晚亦有與宗澤傾偈：「佢有喊，我都唔忍心望。（傳有三個女友？）睇到覺得好笑，絕對冇呢件事。」指他曾挽救與杏兒的關係。

樂易玲與黃宗澤傾至凌晨開解對方。