楊受成笑霆鋒：就嚟多錢過我

英皇集團主席楊受成分享在商場奮鬥的自傳《爭氣》，自推出後外界反應熱烈，數度斷市，加印的第4版在書展有售。他原定昨晚在書展舉行新書講座，可惜因颱風關係取消，未能親身向廣大書迷分享心得。另外，楊受成近日接受電台錄音訪問時透露，因擔心記憶力變差而遺忘珍貴回憶，加上適逢集團慶祝70周年故推出新書。自傳內容全部出自他的親身所見所聞，連老友鬼鬼的成龍都笑說：「你連呢啲都講？」楊受成又直認虛榮﹕「邊個男人唔鍾意靚車、靚衫同靚錶？一有錢就要買樓，好似謝霆鋒咁成日買舖！」他笑霆鋒：「佢就嚟多錢過我！」