黃榕趴地賣「禁」書露腰任摸

「寫真老將」黃榕繼前日送體溫泳褲引起話題，昨日再聯同胸模姊妹趁8號風球硬闖書展「禁地」，大派海報兼在場外賣寫真集！為求賣得一本得一本，她更身穿露腰背心仔，任由粉絲摸腰！

連續7日的書展今日終於閉幕，今年貿發局嚴禁意淫寫真集入書展，寫真被列作第II類不雅物品的黃榕（Gloria）無可幸免，完全消失於書展！不過Gloria豈會坐以待「禁」，為谷書不惜花招百出，昨日趁閉幕近尾聲，一身戰鬥格背心熱褲打扮潛行書展，更與鍾蕙芝（Lavina）及王璐瑤（LuLu）連成一線！由於昨午掛起8號風球，Gloria趁人多混亂，與胸模姊妹對正書展門口，踩灰色地帶賣寫真集，惹來粉絲圍觀！

先派簽名海報

昨午4時許，Gloria、Lavina及LuLu以市民身份行入書展，當中Gloria打扮最出位，露出小蠻腰及內褲邊，令不少男士眼甘甘！有目的到場的Gloria起初避免引起工作人員注意，甚守規矩在睇女性讀物，其後才行到出版社，向店員送上自己的寫真集，吸引十多名粉絲圍觀拍照！

Gloria見反應OK再下一城，在場內派發簽名海報，更表明到場是為了宣傳寫真集！由於人數眾多，Gloria率姊妹在書展門外「搞事」，火速擺出數本寫真集擺賣！問到是否賣書？她說：「梗係賣啦！」她更不介意與男粉絲零距離合照，纖腰任攬，其後趴地為粉絲簽名，騎呢度冠絕全場！

網上遭性騷擾

對於前日即場脫泳褲送粉絲，惹來逾百名網民大罵，Gloria說：「我都認自己過咗火！今日睇微博，收到好多騷擾留言，仲有人留言問我送泳褲畀人，會唔會有女性月經呀？可唔可以送畀我！（報警？）我係過火！（自己攞嚟？）都係！唔可以怪人，自己做錯，以後唔會咁激！」另外，Gloria與Lavina表示寫真於內地及網上有售，未有銷售數字，LuLu則自言賣出6千本。