胡杏兒拍拖搵錢 鍾嘉欣「愛」低調
正於公仔箱上場的《護花危情》，由黃宗澤配鍾嘉欣的一段情，叫人睇得肉緊；現實中，嘉欣與黃宗澤的「正印」胡杏兒同樣選美出身，屢獲獎項，二人與楊怡、徐子珊及陳法拉並列「當家花旦」之位，演技早被認定，嘉欣曾三度提名《萬千星輝頒獎典禮》最佳女主角，杏兒則去年跑出成為首位三料視后，暫時先勝一籌！除了公仔箱，二人亦涉足影圈及樂壇，嘉欣加入星煥時獲公司舉行大型記者會，備受力捧！
感情方面，嘉欣向來低調，雖從未承認伍允龍的男友身份，但已被視為一對，早前伍允龍更大讚她是110分女友。相反杏兒就愛得公開，奪視后時更當眾向黃宗澤發表愛的宣言，兩口子亦不介意以情侶姿態出席活動，實行有錢齊齊搵！
胡杏兒多年來努力箍實難得愛囧的男友黃宗澤。
鍾嘉欣專注事業，與伍允龍「愛」得低調。