阿嬌喊住捱打背脊開花

歌手鍾欣桐（阿嬌）昨日出席活動時，被發現香肩上滿布瘀傷，她自爆被人打了幾粒鐘，痛到喪喊變豬頭，認真可憐！

受背部傷患纏擾多年的阿嬌，前晚在微博公開瘀痕照，我見猶憐！昨日她偕泳兒、洪卓立及組合Closer出席《仁愛堂程思遠世代無肝炎中心開幕典禮》時表示，完成第二次小針刀治療後效果未如理想，故於3日前接受「拍打」療法，令香肩上出現大片瘀青！

洪卓立促設寫真展

阿嬌扁嘴說：「媽咪搵醫生打我，打咗幾個鐘頭，真係拍到喊，喊到成個豬頭咁！」助手笑言阿嬌因不聽話而被媽咪教訓，阿嬌傻笑說：「依家係畀錢畀人打，但如果可以好番都值得，因為我怕老咗會變風濕，希望下月開工前會好番啦！」

同場的Closer成員吳浩康，大方恭喜舊愛莊思敏出書，並說：「我一定會買，打畀佢訂定先，希望佢本書大賣同事事順利！」至於洪卓立日前到書展撐好友，問到有否看過模寫真，他笑說：「我鍾意睇字多啲，佢哋嘅尺度太勁同有啲過分！（書展應該禁寫真？）如果有個寫真展就OK，書展都係賣書好啲！」

而即將出碟的泳兒則透露，咳嗽情況經已好轉，但要狠心戒凍飲則有難度，並擔心唱Live會失準。