基仔睇唔過眼鬧肉模過火

今年胸模寫真集大灑鹽花，昨日古巨基出席書展活動時，發火狠批胸模寫真集不雅兼過火，贊成踢她們出書展！至於「模媽」陳靜儀亦突然道士上身，公開指摘許穎做壞同行！

歌手古巨基（基仔）昨日亮相書展，為其兒童書舉行發布會，並在台上講故事，大受大人小朋友歡迎。提到胸模寫真集愈出愈離譜，連平時內斂的基仔都出口表示不滿，他發火說：「啲寫真一年比一年過分！希望呢種風氣可以改善，不過見到依家嘅趨勢，比以前更過火！我覺得事態嚴重，尺度過火，極度不雅！」

「書展係親子地方」

問到是否應禁止過火寫真集入書展？基仔說：「正確！佢哋大大張海報都係肉肉肉，書展應該係大人細路親子樂嘅地方！」另外，他表示時下的小朋友喜歡打機及玩手機，希望他的新書能成為兒童讀物，而新書收入將捐予「古巨基兒童基金會」，幫助有需要人士。

另一邊廂，近日寫真集遭淫審處評為18禁的陳靜儀（Mia），昨日突然化身道士及Superwoman與粉絲舉行見面會，她聲言要「捉邪」及將壞人送回家鄉，問到誰是壞人？她寸爆說：「唔守規矩嘅模！（即係許穎？）大家好清楚啦！佢畀人禁係意料之內，好似有賊預告聽日會去打劫，咁當然會畀人拉啦！佢咁樣做壞同行！」

陳靜儀自誇賣得

Mia俠士上身，問到會否自覺「五十步、笑百步」？她說：「唔覺！我好守規矩o架！」她又指其他胸模的寫真沒有參考價值。對於女星王璐瑤在書展上遭強吻，她竟指對方的打扮引人犯罪，還自誇寫真集銷路最好。