Cosplay俘虜宅男蔚雨芯舞入動漫

狄易達師妹蔚雨芯今年主攻樂壇，勇於嘗試的她大玩百變形象，以配合不同曲風，早前曾參與拍攝兩本寫真，以Cosplay造型俘虜Game迷，但她絕不賣弄身材，與露肉o靚模不可相提並論。

本月對樂壇新人蔚雨芯（Rainky）來說可謂非常重要，因她將推出首張個人專輯及寫真集，近月亦積極練舞挑戰快歌，希望令觀眾留下深刻印象，問到會走甚麼路線？未滿19歲的Rainky思想成熟，覺得新人應多作嘗試，故新碟將大包圍，玩齊抒情、輕快及活力舞曲。

冇料賣肉

Rainky為即將舉行的動漫節拍攝首本個人寫真集，戴上假髮變身多個動漫人物，雖有性感造型，但她坦言只為模仿，與露肉o靚模絕對不同：「我當係演員咁影，抓緊人物性格同情緒，而唔係賣弄身材，所以冇內衣同泳衣，更加唔會全裸！（其他o靚模Cheap？）又唔係，大家路線唔同，佢哋有料嘛！」

做「牛」行善

Rainky亦參與了中港兩地合作的慈善寫真《萬獸派對》，與內地多名索模及港模鍾蕙芝（Lavina）大玩Cosplay，變身牛女的Rainky戴上金色假髮散發魅力，表現不遜內地專業模特兒。

提到最近主打跳舞快歌《Raining》，不諳舞蹈的Rainky獲著名排舞師Sunny Wong特訓多月，已跳得似模似樣：「要再加強訓練節奏感，但Sunny同師兄（狄易達）都讚我身形好，擺甫士較優勝。」她表示歌曲是為她度身訂造，配合其開朗性格，提醒年輕人別輕易煩惱憂鬱。