吳浩康夾Band翻生

吳浩康（Deep）出道以來經歷不少風雨，面對人生低潮時曾轉行賣保險，更被誤會已放棄音樂退出娛樂圈，幸而柳暗花明又一村，Deep現時與Johnny及Ryan等人組成樂隊Closer重生！

吳浩康（Deep）出道十年經歷不少起跌，當母親患癌離世，令他的人生跌至谷底，因此一夜間長大，願意放下身段考牌做保險經紀，他說：「媽咪患癌離世之後，係我一生中最大嘅打擊，以前我會好要面子，寧願食少啲都唔會主動去搵錢，但係媽咪走咗之後，我都會知道要為自己負責任，所以就去考保險牌！」他透露做保險時的辛酸史：「夏天着住套西裝跑數，真係熱到連底褲都濕埋！而且最慘係手停口停，唔做冇錢！最記得當初上堂嘅時候，有同學問我『點解你會毅然放棄你嘅歌唱事業？』真係尷尬到爆！」

搵客仔做Partner

不過有得亦有失，Deep說：「做保險令我見識多咗，以前我係同社會脫節，因為我淨係需要匿埋喺屋企練歌，毋須要同其他人溝通，但做保險令我見識多咗，性格冇以前咁火爆！」隊員Johnny大爆：「我都係Deep其中一位客人！」其實Deep從未放棄音樂：「我一直以嚟都有接校園騷，又做監製！」最近再次興起Band熱潮，令Deep得以重生，他說：「好多謝公司畀機會我哋組Band！最近我哋推出咗大碟《Get Closer》，好希望在天之靈嘅媽咪聽到，話佢知我大個仔啦！」