馬德鐘入虎穴硬食粗口

馬德鐘日前上ontv《娛樂onShow》接受主持俞詠文（Angela）訪問，面對型男馬德鐘，Angela竟大呼：「我好唔鍾意你！」而馬德鐘則真情剖白離開無綫的真正原因！

在劇集《飛虎》中威風凜凜的馬德鐘，早前接受《娛樂onShow》主持俞詠文（Angela）訪問，Angela竟突然高呼：「我好唔鍾意你！因為你喺重播電視劇《歲月風雲》中飾演大奸角！」幸馬德鐘不介意，並笑說：「其實個角色對我好重要，因為有好多內心戲可以發揮！」現實中曾任職G4（要員保護組）及飛虎隊的他，在新劇《飛虎》中演飛虎隊自然入型入格，他說：「當年我哋要接受嚴厲訓練，長官比我喺《飛虎》演嘅展Sir仲要惡10倍！至少我喺戲入面，唔可以用粗口鬧人！」

與獎項無關

雖然無綫正播映馬德鐘擔正的劇集，但Angela踢爆他原來已離開無綫半年，問到離開原因，他說：「無綫係我娘家，但我都大個仔啦！好想出去見識吓個世界。（得唔到視帝所以離開？）唔係！有獎當然開心，但冇都唔係大問題！（離開咗慣唔慣？）都慣，因為我之前都有返內地拍劇。（係咪收16萬人民幣一集？）只係傳聞啫！」想知道更多馬德鐘的真情剖白？他與主持還談了甚麼？快點Click入ontv去片啦！