Suki送禮冧老公唔怕重「蝠」

徐淑敏與丈夫黃浩等前晚出席首映，黃浩坦言是蝙蝠俠的死忠，難怪徐淑敏送禮必選蝙蝠俠產品。

徐淑敏（Suki）、黃浩、馬德鐘、卓韻芝、吳嘉龍、Jessica C.及Ana R.等前晚出席機場UA IMAX影院開幕暨《蝙蝠俠－夜神起義》首映，其中Ana R.以透視玉背示人。現場有人以全副武裝扮蝙蝠俠，嘉賓興奮得爭相索合照，吳嘉龍與Jessica C.更拿起槍扮射蝙蝠俠。

馬德鐘被飛冇失望

Suki的丈夫黃浩坦言已追捧蝙蝠俠二十多年，瘋狂買入不少蝙蝠俠產品，早前更自訂車牌「BATMAN V」，問到會否訂多個，他說：「一個就夠！（花咗好多錢買玩具？）少少啦！但都冇去買1比1嘅Figure同蝙蝠車，之前喺美國見到Figure想買，但要登記美國地址，就算託朋友買，運返香港都好麻煩。依家都儲咗好多嘢，書房都好多貼紙。」而Suki不諱言初認識老公時，覺得他很「大細路」！平日收到老公不少名貴禮物的她又笑言，送禮物給老公根本不用多想：「之前送咗蝙蝠俠iPhone殼畀佢，賺咗呀！」

至於馬德鐘被問到是否沒跟無綫續約而被《衝上雲霄II》飛起？他說：「係咩？有咁嘅講法？有份拍第一輯已覺好運。（失望？）冇！不過大家可以提供特別橋令角色再出現，如果公司需要我嘅話都好樂意。」