陳倩揚囝囝浴照撼o靚模

靚媽陳倩揚（Skye）今年處女下海出書，對於o靚模寫真激戰，Skye坦言從未擔心，因為市場及客源不同，她笑言會以兒子的「出浴」照硬撼。

已育有一子的前港姐陳倩揚，今年加入書展行列，她表示首次出書，內容講述她由懷孕到囝囝陳羲廷出世，再到囝囝1歲大的心路歷程，Skye表示新書主要是針對準媽咪及新任媽咪，更不諱言出書心情緊張：「做咗好多資料搜集，又碌晒人情卡，搵好多專業人士，好似兒童心理學家同營養師等，我都想分享做媽咪心得，今次印3,000本試水溫，但出版商好有信心，會再加印。」

不擔心銷量

對於o靚模寫真大戰已揭開戰幔，Skye從不擔心，因為大家各有市場及客源，她笑說：「我主要吸引準媽媽。（露肉？）一定唔會啦！呢方面交畀我個仔，因為本書會有囝囝『出浴』照。」此外，她更會到書展舉行簽名會。

另外，為紓緩出書的壓力，Skye日前與老公陳浩然及囝囝享受家庭樂，已13個月大的羲廷，遺傳父母靚爆基因，精靈可愛，他駕着「私人座駕」周圍走，又與媽咪玩吹泡泡，一家三口樂也融融。問Skye會否追多個，她說：「都會考慮，但過多至少一年先，因為依家要努力搵錢。」