陳嘉桓要高檔無意出寫真

宅男女神陳嘉桓（Rose）及黃山怡（糖妹）昨日以密實Look現身書展，性感睇頭大打折扣！Rose有感時下寫真集多給人有貶意，故暫時無意推出寫真集。

陳嘉桓（Rose）及糖妹昨日分別出現書展，「女神」打扮密實性感欠奉，而Rose是為旅遊書舉行簽書會，只吸引二、三十名粉絲排隊。問到Rose可覺得在簽名區比在攤位賣書、人氣會輸蝕一點？Rose則說：「唔會，嚟得呢度，都係真心嚟買書嘅粉絲！」

提到早前被拍到與父親到沙灘暢泳，Rose說：「夏天去陽光海灘游水好正常嘅！（畀人拍到你着三點式泳衣？）我都唔知咁啱有記者，下次會小心啲！（蝕底咗？）都有少少蝕底o架！（索性出寫真集？）依家寫真集嘅定義好似有貶意，當年林青霞姐姐嗰啲就好靚，如果我出，都會係出相集！」提到許穎寫真集被禁入書展？Rose坦言不認識對方：「書展係一家大細去嘅地方，重文多過圖片！」她從報章看過許穎的照片，亦覺得不用太過分！

糖妹拒刻意性感

至於糖妹則以恤衫短裙Look亮相，為動畫心意卡到攤位宣傳，對於打扮欠睇頭令宅男失望？她笑說：「唔係刻意，我一向打扮都係咁！（送心意卡畀男友？）咁多卡，我會送畀唔同嘅朋友！」她預告未來幾日都會到書展，為其散文集舉行簽書會。