取笑Ron唔會有事 鎮宇：咁多空姐畀佢揀
吳鎮宇昨日為新劇《衝上雲霄II》試造型，而通告上顯示吳卓羲（Ron）亦是試造型演員之一，但因他身在廣州出席活動而缺席！問鎮宇最近有沒有見Ron，他說：「呢幾日都有見佢，佢冇嘢呀！同平時一樣，頭兩日（指分手）會好輕鬆，過幾日就會心掛掛，失魂落魄都係幾日之後先有，不過，佢拍新劇就唔會有事o架喇！咁多空姐畀佢揀。」昨日鎮宇為新劇試了四、五套西裝，他揚言四十集才試得四、五套屬於少，不過每套逾萬元都算揼本。
另外，無綫製作資源總監樂易玲昨日亦有致電Ron了解事件，但因他在內地工作故未能詳談。樂易玲接受電話訪問時說：「我會勸佢冷靜幾日先，畀心機工作先，利用呢段時間好好諗清楚想點，睇清楚大家嘅關係，可能會悟出更多道理，又或者事情會有轉機呢？其實大家都咁年輕，專心工作先，對大家都好。」
鎮宇為新劇試造型時表示，不覺吳卓羲有異樣。