陳慧琳：唔好搞咁多嘢住！

陳慧琳昨日以連身短裙出席月餅活動，她坦言不介意與兩個寶貝仔以母子檔搵銀，但老公劉建浩不想愛兒太高調，拒絕高價利誘拍廣告。

陳慧琳（Kelly）昨日出席香港美心月餅活動時被追問何時再造人？她笑笑口說：「暫時唔好住，唔好搞咁多嘢住！」由於「搞嘢」一詞似有味笑話，令現場傳來一陣笑聲！Kelly透露已第6年與美心合作，問到有否想過與兩名兒子齊拍廣告？她說：「自己冇所謂，但老公唔畀，唔想咁高調，同埋兩個仔都好難控制！」

為仔影「浴」照

Kelly表示今個月會努力還廣告債，接着要為年底推出的新碟錄音，問到會否出席頒獎禮？她說：「歌都未派，出咗碟先啦！」她又透露為兩個寶貝仔拍下很多靚相，當中不少是出浴照：「沖涼時影o架，肥騰騰好多肉。（大仔成功戒尿片？）係呀！依家戒緊『便便』。」由於暑假天氣太熱，故Kelly不打算出外旅行。

另外，同是媽咪級的謝安琪昨日出席活動時表示，兒子張瞻的性格很適合讀國際學校，並大爆老公張繼聰想重返校園生活，問到是否被靚女老師吸引？她說：「係間學校環境好！」而郭羨妮昨日亦上載女兒照片，並透露嚴守「減肥餐單」：「已經減咗30磅，還有8磅，很快就可以出來見人了！」