李蘊：有啲寫真幾意淫

歌手李蘊昨日和兩位內地o靚模師妹、有「翻版連詩雅」之稱的陳小寶（Kingboo）及趙雨菲（Lafiel），在書展推出寫真大吸「宅男」錢。雖然三人並無血緣關係，但同樣擁有超直鼻樑及刀削面，樣貌如倒模一樣，最令人嘖嘖稱奇的是，她們同樣在寫真內做出除衫、典床典蓆、手托面等甫士，Kingboo的皮頭繩、豹紋內衣和熊公仔，同樣出現在Lafiel寫集，概念相當「環保」。已推出第3本寫真的李蘊，揚言可能告別寫真界，因當初出寫真是趁青春留倩影，但現時的寫真界已變質：「我呢啲係BB身材，唔會除衫賺錢，依家有啲寫真都幾意淫。」問到是否暗示有出位o靚模做衰行頭？李蘊說：「唔好咁講，不過等其他o靚（模）慢慢（除）啦！」她又謂下一個目標是進軍紅館，希望利用3年時間練歌，其後便在紅館開個唱。