Phoebe全裸寫真臨場抽起

書展昨日正式開幕，不少出位寫真o靚模命運各異，其中在寫真中玩全裸的黃榕（Gloria）及許穎（Phoebe）因尺度過激在書展冇運行，Gloria欲踩入書展造勢被途人投訴滋擾，Phoebe的寫真突然被臨時抽起，令全裸寫真分分鐘絕迹書展。

今年寫真戰昨日正式開鑼，不少宅男關心是一班以全裸及半裸作賣點的o靚模寫真集，但書展打擊意淫寫真集，早前模媽陳靜儀已改印「潔淨版」寫真，黃榕的寫真亦被列「18禁」而要包膠袋。Gloria昨日雖未有寫真推出，但於下午約5時與o靚模王璐瑤（LuLu）踩入書展，她既騷事業線，又露出黑Bra，相當性感，吸引逾30名粉絲龍友拍照，塞滿行人通道。但性感突擊造勢不是個個受落，慘被途人投訴「阻街」及「滋擾」，該途人直指她「邊個嚟？阻住條路。」

黃榕其後與不少男粉絲合照，但有男粉絲合照時疑似摸她臀部，黃榕表示今次「踩場」是送貨︰「本書遲啲先有得賣，但有18禁警告字眼，依家等通知。而個全裸封面會Cut咗一半臀部，唔想自己心機浪費。」她強調會於場外繼續派海報宣傳，但不會再「踩場」︰「唔會再入去，已經被人投訴，如果我再入都會喬裝。」

堅稱尺度冇問題

另一邊廂，同樣以超性感拍攝寫真的Phoebe，雖然早前指未有將寫真送檢，其寫真更於昨日的書展開幕日開賣，但至傍晚時分，其寫真突然叫停，收起不賣。

然而，及至昨晚九時許，Phoebe以拋胸姿態親自殺入書展會場視察，期間更親民和宅男合照，對於其寫真集突然在傍晚被收起不發售，她說：「因為一開始賣時太多人買造成混亂，影響埋其他攤位，貿發局多番勸喻，所以暫時收起啲書，真係唔好意思！（係咪因為尺度問題？）唔關事。（幾時賣番？）唔知，唔擔心因為咁賣唔晒，其實我都好支持其他寫真！」記者其後多番追問Phoebe，寫真是否送檢時出了問題，她沒有正面回答，只笑着表示寫真太多人買。

LuLu連踩三場

至於曾被爆與余文樂傳情慾短訊的o靚模王璐瑤（LuLu），昨日連走三場，LuLu到書展谷寫真，並強調自己衣着守規矩，又反斥其他o靚模硬闖書展是無賴行為。問到會否送書給余文樂？她說：「好多支持我嘅朋友會自己買。」當她逛書展時，吸引不少粉絲合照，現場有工作人員監場，據知要她在限期內完成活動，她又以紙袋遮着Phoebe師妹夏然然的寫真，更寸爆對方寫真不雅。