中國小姐趙哲妤（Uny）前晚在工業中心拍攝保暖內衣廣告，她對是次拍攝感到既開心又辛苦：「要着羽絨上天台，喺太陽底下拍，出晒汗！」怕冷的Uny會穿有絨毛的內衣睡覺，笑言沒影響發育：「如果有影響，上年就出唔到寫真啦！（今年唔出寫真會唔會覺得話題減少？）都會，但唔出寫真係咪等於淘汰？咁好實際，可能着住個Bra會賺多幾個月錢，但好快冇咗，其實今年都有機會出寫真，但選擇咗拍戲同拍廣告，唔想只靠身材但都幫唔到事業。（效法其他模全裸拍寫真？）如果係為慈善，幫到人先會考慮。」
趙哲妤拍廣告不怕辛苦，並雀躍地重溫片段。
