莊思敏與楊愛瑾（Miki）昨日一同拍攝電台特輯，教觀眾保護私隱，莊思敏自爆手機「珍藏」Sexy相：「同朋友玩到冇底線，加上成日去泳衣派對，手機有好多性感相同核突相，所以依家會鎖手機！」她坦言曾檢查前男友手機而意外地發現他「搞搞震」：「畀我Check到佢溝女，即時吵大鑊嗌分手！」Miki則曾因負面新聞多而情緒低落：「依家都唔睇咁多新聞，個人會正面啲！（拍拖生活點？）好正常！」
莊思敏（左）與楊愛瑾齊以背心裙現身。
