Joey拒避師兄同場造勢

天后容祖兒（Joey）與杜汶澤到電台宣傳新片《DIVA華麗之後》，該片即將舉行首映，極有機會令「龍兒」戀情曝光後首度同場，Joey表示屆時不會刻意避開劉浩龍。

容祖兒昨日聯同杜汶澤到電台宣傳英皇電影《DIVA華麗之後》，阿澤表示下月8日舉行首映，有指「龍兒」因合作拍攝該片而撻着，問到劉浩龍（師兄）屆時會否出席？阿澤表示會邀請所有演員出席，而對方亦是主要演員。雖然「龍兒戀」已公開，但提到師兄時，Joey都故意拉開話題，大部分時間都是阿澤解圍。談到「龍兒」極有機會在首映上同場，問到Joey會否感尷尬？她拉開話題說：「畀咁少酬勞。」阿澤則還擊說：「梗係少，你拍得咁開心！估唔到宣傳焦點咁準確（龍兒戀），大家問我嘅，我唔會封口，唔會扮唔知。」但Joey則說：「我會。」

耍太極唔講合照

對於「龍兒」可能在首映上同場？阿澤謂當作正常宣傳，不會刻意安排「龍兒」分開或站在一起。問到祖兒屆時會否避開師兄？她說：「唔會。（同師兄夾定一個去一個唔去？）唔會，我一定去！（佢呢？）我點知人哋嘅事，我冇問佢。（唔介意同場？）做嘢就做嘢！」問到可會合照？Joey即耍太極：「睇阿澤啦！」阿澤則說：「唔好問我，合照嘅嘢自由發展。」此外，Joey、古巨基及Twins日前擔任內地節目《快樂大本營》嘉賓，Joey模仿王菲演唱，古巨基則施展畫功。

另外，有讀者爆料指Joey嫲嫲借她上位，用非一般手段當上葵興邨法團主席，Joey說：「屋企有喪事，唔講屋企嘢！我要宣傳，去唔到都唔安樂。」她坦言仍與嫲嫲保持聯絡。