愛情黑白配 蔣怡一顆不變森

女人最大的幸福，莫過於找到一個彼此深愛的人，名模蔣怡（CoCo）跟珠寶設計師男友翁狄森（Dickson）相戀十多年，經歷過多次離離合合，發覺彼此深愛，最終仍是走在一起。為愛郎回流返港的CoCo，早就知道離不開這個人，也不願離開。

十多年前踏上天橋做名模的CoCo，走過無數大騷的天橋，幾年前闖台灣發展，當上節目主持，事業發展尚算順利，關於她的愛情事件簿，除了珠寶設計師男友Dickson，再沒有「遇過」其他人，感情相當專一！然而她在台灣發展的那段時間，曾經跟男友情變傳分手，莫非異地戀真的這麼難維繫嗎？當時CoCo掙扎了好一段日子，最後選擇回流返港一切重新開始！

鬧交易 和好難

大概女人的感情都比男人豐富，也甘願為愛犧牲，CoCo直言拍拖初期經常嚷分手，為小事鬧交：「我聽過一位前輩講過，嗌一次交可能只係十分鐘，但係要修補一段關係，往往要用好多百分鐘去補救，所以近年大家都諗通咗，點解仲要為小事煩惱呢？」自命天生愛情狂的CoCo，跟Dickson的相處之道正好像黑白配：「其實大家都肯為大家改變，兩個人相處真係要學識包容同溝通，有咩事都唔好放喺心，之前我喺台灣，雖然離香港只係相差個幾鐘嘅機程，但如果大家嗌交就大件事，嗌完唔可以即時見面講清楚，我自認係一個幾需要愛情嘅女仔，所以選擇返嚟！」

認真做 乜都試

CoCo讚賞Dickson為她作出的改變，例如Dickson以前性格比較內向和文靜，為了配合女友活潑好動個性，陪她四圍旅行：「我哋一有假期就會Plan去旅行，特別係睇大自然風景，我最欣賞佢嘅地方係對我好體貼，係一個好好嘅男友。至於會唔會結婚，我反而又冇諗過，可能有BB先結婚，大家都一齊咁多年，結唔結婚都冇分別喇！」

別以為CoCo的世界只有愛情，其實她也是一位工作狂，早年她為內地電視台當主持，不惜每天花兩小時車程北上開工，如果不是喜歡，相信不會如此堅持！她說：「我覺得做人對每件事都要認真，包括工作，近年我試咗唔同類型嘅工作，例如做扮靚、飲食主持，上年又試過拍劇，每一次都學到嘢，如果可以嘅話，我想再拍吓電影、電視劇，因為拍戲代入一個角色嘅感覺好正。」

後記：「救世主」顯靈！

在CoCo眼中，Dickson有好多優點，訪問當日筆者可以作一個見證，話說她為Dickson設計首飾品牌宣傳，並為他付出好幾個晚上畫小豬，可是她忘記帶來影相，氣得眼眶頓時滿布淚水，全場人見狀也不敢作聲。那時突然有一把像救世主的聲音：「叫工人『飛的』攞豬！」小妮子即時收回眼淚，開懷大笑，大概她要找的人，一直就在身邊。