楊怡撐宅男馬明冇超齡
林峯、楊怡和馬國明（馬明）等昨日宣傳劇集《回到三國》，對於有指該劇製作馬虎、馬國明演技誇張，楊怡指大家已成功營造喜劇感，原意不是要拍出三國時千軍萬馬的場面。對於馬國明被指誇張及做超齡「宅男」，她說：「我唔覺喎！我覺得佢做得幾好，宅男邊有年紀之分，五十歲都可以做宅男。」林峯則說：「一套劇係娛樂大家，大家睇時開心、Enjoy就得，我認識嘅馬國明好靜，佢今次好特別。」
此外，今年楊怡有五劇在手，被指年底可與胡杏兒爭視后，楊怡說：「上年我都有四套劇，唔可以以此作準，好多嘢貴精不貴多，要睇遇唔遇到好時辰，夾埋好多嘢先得。（前緋聞男友黎諾懿傳同富家女拍拖，如對方結婚會唔會祝福？）梗係祝福，唔通望人散咩！」而林峯遲了半小時才到達，他指助手不識路，最終要打電話問路「求救」。
林峯蒙眼玩遊戲，成功摸到飾演其妻子的梁嘉琪。
林峯（左起）和楊怡齊聲力撐馬國明演技非浮誇。
陳敏之和陳展鵬攬到實宣傳《回到三國》。