湯洛雯上圍34吋封波霸

無綫《2012香港小姐競選》昨日舉行記者會,宣布邀得詹瑞文為佳麗特訓應變技巧,並公布佳麗官方三圍數字,被指有後台的湯洛雯以34吋上圍成為是屆波霸,力壓之前視覺上「最巨胸」的曾明俐,她說:「係我骨架大。(上圍勁有優勢?)如果係,倫敦外景就唔會畀人寫!」被譏「四個胸」的「瘡版陳妍希」陳潔玲上圍只有32吋,與被Foul的陳華鑫同樣的骰。

大會昨日播放倫敦外景片段,岑杏賢、朱千雪及黃心穎看到眼濕濕,岑杏賢說:「係正常感情流露,我同班佳麗好好感情。」朱千雪則說:「我喊因為感動,當日唔知佳麗講乜,頭先睇番好感動,我都想被Foul佳麗返嚟繼續比賽,我會投佢哋票。」

大會指今天播出《選戰英倫》節目後,將由觀眾投票決定佳麗去留,結果會於本月20日公布。倫敦外景期間被Foul的鍾麗及陳華鑫均表示,不會刻意發動親友拉票,又稱即使冇得留低,仍希望有機會入行。

湯洛雯(右)以34吋上圍成為波霸,陳潔玲則屬「微波」一族。

鍾麗(右)及陳華鑫不會刻意發動親友拉票。

岑杏賢睇回倫敦片段時感動到眼濕濕。