正在上海拍攝內地劇的黃宗澤（Bosco），前晚出席夜店開幕活動，他坦言在上海只蒲過兩次：「係有香港朋友嚟先會出去飲吓嘢，平時我都係喺酒店度。」對於早前誤傳有內地臨時女演員在橫店遭姦殺及肢解，他即驚訝地說：「如果係就要小心啲，小心出入，尤其夜晚，人生路不熟要搵人陪。（覺得橫店治安差？）我上次去過覺得OK安全，最重要有劇組嘅人陪出入。」問到可會擔心在內地拍劇的女友胡杏兒？他指杏兒近日留港工作，而且她有兩名助手跟身；至於會否為女友請保鏢？他說：「如果真係咁危險都要請！」
黃宗澤（Bosco）
