劉嘉玲門常開 Welcome內地富豪

劉嘉玲前晚風騷出席自家夜店開幕派對，就算提到有人目擊她跟內地富豪景百孚夜遊上海，她仍笑意盈盈地否認。嘉玲坦言對方身為生意人，未必適合來夜店，但會「門常開」歡迎對方到來，更豪氣地表示朋友可免費進場消遣！

劉嘉玲的夜店MUSE第三間分店前晚假上海益豐．外灘源舉行開幕派對，吸引好友前來支持，如胡軍、胡兵、孫儷與老公鄧超、鍾鎮濤與范姜等，場面熱鬧。嘉玲身穿開窿短裙亮相，問到為何不請好友王菲？她說：「唔會騷擾佢，佢係修行之人。」說時雙手合十：「佢已經去到另一個境界。」

談及投資金額及籌備時間，嘉玲笑言不知道金額，但籌備了一年，下一步是在香港開店。當提到有人目擊她跟內地富豪景百孚日前在上海夜遊，她繼續風騷地說：「喺上海邊度？喺MUSE嘛！」不忘為夜店宣傳。問到為何不邀請景百孚光臨？她保持笑容說：「冇，有啲人係做生意，未必啱呢啲地方。如果佢哋想嚟，我哋嘅大門係打開。」她還大方表示進場消遣的朋友都是Free（免費）的。

而谷胸上陣的薛芷倫表示，今次專程來捧劉嘉玲場。對於羅慧娟因胰臟癌病逝，曾患癌的她雖不認識娟妹，但認為對方勇於抗癌很堅強：「我有少少唔想睇，雖然每個人都要經歷，但佢後生咗啲，好可惜！佢病都想幫人，想人信教。」她又稱現時身體不錯，但剛做了身體檢查，發現有小毛病：「做咗個小手術，係良性纖維瘤，邊個部位唔好講，做咗微創手術。」

Niki向家姐催生

周汶錡（Kathy）與妹妹周麗淇（Niki）則結伴前來，提到舊愛杜德偉將結婚，Kathy與妹妹大方恭喜對方。至於被對方爬頭？Kathy表示結婚冇分快慢，最緊要開心。對於舊愛比未來太太年長20多歲，她力撐冇問題。記者指杜德偉可能趕生仔？Niki即說：「快啲生，最鍾意叫人生BB，我都想家姐快啲生，生畀我玩。」又稱不會向家姐催婚：「再講結婚，佢有陰影，佢生得出、嫁得出，我就安樂晒！」