不病不相識林淑敏難忘關愛
羅慧娟藉追思會宣揚正面積極訊息，令好友深受感動，同樣是基督徒、2010年患乳癌的前港姐林淑敏（Mandy）亦讚娟妹偉大，並憶起年前與她同受癌魔煎熬時，雖然彼此不認識，但仍獲對方主動邀約食飯，至今難忘：「佢真係一位好善良嘅天使，喺佢患病期間不斷傳福音，希望多啲人信主。嗰時佢知我病咗，於是透過師母約我食飯，全晚我哋分享患癌經歷。之後一齊去停車場攞車，佢仲係一路咁『講耶穌』，關心我嘅信仰夠唔夠紮實。（當時佢精唔精神？）都OKo架！唔係外界講到咁差。」
至於2005年親口證實患上第三期肺癌的羅家英，亦有留意娟妹的新聞，讚她十分勇敢：「佢又要接受電療同化療，承受咁多痛苦，我冇得同佢比！因為我發現得比較早，知道有事嘅時候已經割咗，自己比較幸運，冇乜承受痛苦。」
林淑敏指患病時獲同病相憐的娟妹約食飯分享，令她十分難忘。