陪仔留英國醫病 喬寶寶焗退出娛圈

印度籍演員喬寶寶在香港土生土長，但因細仔脊椎出現嚴重問題，在香港醫了一段時間仍未見進展，故去年9月，喬寶寶決定送細仔到英國醫治，因簽證問題，喬寶寶為太太申請特區護照，以便陪細仔到英國醫病，怎料卻不獲批核，原因不明！喬寶寶對此大表疑惑的說：「我太太居港22年，擁有永久居民身份證，唔明點解唔批特區護照，老婆真係好急切需要去照顧患病嘅細仔，依家我搵英國嘅律師搞緊件事，我喺香港就搵緊議員同平機會幫手。」

喬寶寶坦言如果申請不到特區護照，擁有居英權的他便要放棄香港的事業，到當地居留至少三年：「如果咁樣嘅話，我就要退出香港娛樂圈。三年損失唔止三百萬元，對我哋嘅生活有好大影響。」

喬寶寶或要在英國照顧細仔，太太未必能隨行。