黃榕扯火鬧Phoebe把口賤

黃榕早前在郊外全裸拍寫真，遭o靚模許穎公開寸她要多讀幾年書，黃榕對此大動肝火，直斥對方的寫真摸胸扯底褲更意淫。

前晚出席好友唐貝詩生日派對的黃榕（Gloria），被問到可知早前在郊外全裸拍寫真涉違法？她解釋該輯相是在三亞拍攝：「我哋租用咗當地嘅泳池，三邊都用黑布遮住，後面就係斜坡，唔會觸犯法例。（唔驚嚇親人咩？）已經遮住咗。（有冇喺香港咁做？）冇。」

夜晚匿埋喊

提到許穎（Phoebe）日前寸她在野外全裸犯法，並叫她多讀兩年書，Gloria即時反寸對方：「佢話佢今年嘅寫真會激過上年，佢上年嗰本摸胸同扯低底褲，唔該佢睇番自己本書先話人。佢話佢係大學生嘛，如果佢係讀咁多書，人品應該好啲，把口唔好咁賤。（好Hurt？）好唔開心，我夜晚匿埋一個人喊。（佢Cheap過你？）都係，我唔想再講佢。（你係前輩，佢唔尊重你？）覺得佢哋好冇禮貌，做好自己唔一定要攻擊人。」

至於同場的三級女星王璐瑤（LuLu）表示，其寫真最大膽是性感的她在街頭拍照，問到會否送寫真給早前與她爆出傳情慾短訊的余文樂？她說：「唔會，希望朋友會（買書）支持我。（佢係你朋友？）我哋冇聯絡。（寫真講你哋嘅戀情？）同佢冇戀情。」

Profile：黃榕Vs許穎

黃榕

年齡：31歲

三圍：32C、23、33

寫真賣點：野外全裸

許穎

年齡：22歲

三圍：34D、24、35

寫真賣點：自拍兼全裸