JJ分手黎耀祥讚好

黎耀祥和賈曉晨（JJ）昨日在商場內表演魔術「刀鋸美人手」兼為遊戲節目《玩轉三周1/2》錄影，JJ為與男友沈震軒分手一事在微博大吐苦水，問她是否仍然傷心？JJ說：「唔想再講，希望所有嘢都重新開始。（心情平復？）OK！發洩完就冇事。」問到是否因第三者介入而分手，她說：「唔係，其實不嬲都冇嘢，可能當時佢（沈震軒）電視公司要宣傳。（有冇開始過？）唔係啱嘅時候，佢事業啱啱起步，而我都係啱啱先穩定。（你哋仲係朋友？）永遠都係，佢係一個好男仔，佢都有打嚟安慰我，問我咩事唔開心。」

至於黎耀祥對JJ剛分手一事竟讚好：「咁咪好囉！舊嘅唔去新嘅唔嚟，年輕人分手係好事。（怕佢影響演出？）失手冇所謂，壯士斷臂，反正都已經分咗手。」提到他表演魔術時有板有眼，他表示因曾跟魔術大師Louis Yan（甄澤權）學習魔術，Louis更在現場監場兼做顧問。問祥仔以前是否利用魔術娶得老婆歸，他竟說：「當年係我老婆呃我番嚟嘅！」