謝安琪《紅白鬥》失準：我滿意

網友直指軒仔的菲傭唱得比不少歌手好，事實上，多位歌手被指演出《翡翠歌星紅白鬥》時走音兼冇氣，非常驚嚇！有份「受靶」的謝安琪前晚演出音樂晚會時，坦言當日心情緊張：「始終3年冇喺一廠演出，但整體我都滿意！」有指她因去向未明而遭其他歌手冷落，她說：「點會呢！我仲係謝安琪，當晚好開心，見到好多朋友。」並豁達地說：「預咗咁大型嘅騷之後一定有手尾跟，我慣咗o架喇！」

而樂壇前輩譚詠麟及杜麗莎（Teresa）前晚舉行新碟簽名會，Teresa得悉有歌手在《紅白鬥》中走音即高呼：「Oh my god！」但仍為受抨擊的蔡卓妍（阿Sa）講好話：「佢好勤力，但真係太忙！香港歌手好多嘢做，搞到冇氣唱歌，佢哋都唔想。」而阿倫則勉勵歌手唱Live前多練習，要爭氣。此外，談及有份演出的成都騷，因主辦商走數而累歌手被扣查，阿倫即表示收足歌酬才演出，亦沒有被扣查。他又透露已將兒子送往外國留學，問到會否送2億豪宅給兒子，他坦言若兒子有好表現，會將所有家財留給他。