姬蒂落實演單親媽咪

男星湯告魯斯(Tom Cruise)與姬蒂(Katie Holmes)離婚成為熱話!姬蒂前日帶愛女蘇莉(Suri)去超市掃貨,小公主雖然不肯落地行,但識用自家製的購物袋幫媽咪拎戰利品。姬蒂落實演出早年自編的《Molly》,飾演單親媽媽養大女兒。而律師團就資產分配及撫養權等事進行調解,據知靚佬湯表明人生的首位就是蘇莉,離婚後必須與愛女有足夠相處時間。另外,導演奧利華史東(Oliver Stone)指靚佬湯為人緊張,曾希望叫他放鬆。靚佬湯則送上錄像口訊,但對離婚消息仍口密!