陳偉霆船P射濕詩雅

歌手陳偉霆（William）搞遊船河預祝新碟大賣，為免戀事變成宣傳伎倆，他拒請女友蔡卓妍（阿Sa）撐場，改邀銀幕情人詩雅贈興，更當眾用香檳射濕對方。

昨日William借用英皇老闆楊受成的千萬遊艇，並自費萬多元請約30名友人及工作夥伴開「船P」，為今日面世的新碟《Pop It Up》造勢。開香檳時，他竟將樽口對正其銀幕情侶詩雅，令穿沙灘裝的詩雅被射濕俏面，𠵱嘩大叫！William坦言是刻意不邀請女友阿Sa，免得模糊焦點：「唔想你哋（傳媒）跟埋出海咁辛苦。」並感激老闆兩度借船。

撐阿Sa不會被打沉

對於阿Sa及其他歌手被轟在無綫《紅白鬥》中失準，William因工作忙仍未跟女友聯絡，但相信阿Sa不會因一次失誤而被打沉：「佢好快調整番心理，係一個好有經驗嘅歌手同演員！同埋唔好睇一次就釐定歌手嘅努力。」而阿Sa則在微博自勉，指明白現時的競爭性比以前大，會加倍努力裝備自己。

至於被整蠱射濕的詩雅，沒好氣地指「哎吔男友」William靠害：「開香檳梗係向外㗎啦！點會向自己同後面㗎？」