莫文蔚撞車屁股放血

早前被的士撞傷的莫文蔚,昨日自爆日前放了200cc瘀血,同日仍照常開工拍戲,在撞車的陰影下,她還要親身拍飛車追逐場面,難怪她也罵自己過分!

歌手莫文蔚(Karen)與丁子高昨日出席《2012觀瀾湖世界明星賽香港記者會暨展覽會開幕儀式》,二人偕觀瀾湖集團副主席朱鼎耀打手印,丁子高更獲贈一套BB高爾夫球裝備。提到早前被的士撞傷,Karen稱幸好只是跌落地撞瘀臀部:「當時打緊三號風球,我過馬路有架車撞埋嚟,我本能反應用手擋住,之後成個人彈開跌落地!(老公返香港陪你?)冇,不過佢好擔心,因為撻瘀痕有我塊面咁大,坐低都痛,只可以側身瞓。」

祝福馮德倫舒淇

她為免拖慢劇組進度而未有停工,但日前發現臀部腫了一大片:「醫生話積咗好多瘀血,開窿放咗200cc血,我放完血又開工,覺得自己好過分。」並表示要拍攝飛車追逐場面。對於舊愛馮德倫與舒淇被拍到同遊日本,她坦言沒留意,問到會否打聽?她笑說:「你哋八吓!(祝福佢哋?)希望所有朋友開心。」

至於丁子高自爆囝囝「RMB」食得屙得:「囝囝一個月大,但似三個月嘅身形,佢十分鐘飲完奶,好似打開咗喉嚨咁。有次換片佢向我射尿,差唔多換好又連屙兩次屎,好似瀑布!」他預計老婆楊千嬅十月復工,但要坐月未能收身。另一邊廂,劉美君在微博上載照片,自爆前日被車輾過腳趾擦傷。

名人組

逃過大難的Karen出席活動時,左手手肘仍貼着膠布。

丁子高(左起)獲觀瀾湖集團副主席朱鼎耀送上BB高爾夫球裝備。