蔡一智囝囝叫「白菜」

再為人父的蔡一智昨日接受查小欣電台節目訪問，對於太太周雪芳誕下慈姑椗「細官」，阿智表示很開心，早前漏夜從新加坡返港陪太太入產房，見證BB出世，他笑言有如天崩地裂，很震撼，亦親手為BB「剪綵（臍帶）」。不過他稱因工作忙，要請陪月幫忙照顧，太太分娩後很精神。對於「細官」的名字，他笑言大女提議叫Pat Choi（白菜），二女則說叫Paul Choi（棵菜），正收集意見。問到可會再追？阿智笑說：「要問番太太啦！生B唔容易，懷胎十月又唔可以病，唔可以咁輕鬆去講，如果佢可以，我亦可協助出少少綿力嘅！」