DaDa寸爆裸模：戶外好易中暑

「百果園咪神」陳靜（DaDa）今年推出「潔淨版」新書，由於路線健康正面，終獲貿發局批准入場搞簽名會！她已叫齊親友拉隊撐場，又呼籲一眾同行o靚模屆時入場攞簽名，「升格」後氣燄極盛！

為防o靚模「破壞」書展氣氛，貿發局近年嚴禁她們入場搞簽名會，今年棄出寫真轉型出書做才女的陳靜（DaDa），竟破天荒獲貿發局首肯，名正言順踩入會展！為求獲准入場，DaDa的新書《DaDa's Secret》只用「健康」靚相，就連一批她往馬爾代夫影的性感泳衣照亦一律冇得留低！新書內約五分之一是文字，她會剖白感情世界，提及初戀及前男友，但不會開名，讀者可以自己猜測。DaDa又公開了一位音樂人前男友為她寫的詞，難怪她坦言撰文時相當感觸，不時邊寫邊喊！為防被人捉錯別字，她每日例必反覆檢查文章。

叫親友拉隊支持

DaDa的簽名會將於本月22日下午1時半舉行，她已叫齊親戚朋友拉隊支持：「真係好榮幸，我之前兩年出寫真嘅時候個個都話要反模，唔畀我哋入去，今次可以光明正大咁入場！」對於o靚模許穎（Phoebe）及黃榕等今年剝到盡瞓身全裸，她即趾高氣揚寸爆：「喺戶外宣傳好易中暑，歡迎佢哋到時入嚟搵我攞簽名！順便涼吓冷氣！」其新書亦會在台灣發售，並考慮翻譯成日文版攻日本市場。