鍾麗Out慣唔望復活
因與男友密照流出而形象插水的鍾麗與曾明俐，同樣樂觀！倫敦外景被Out的鍾麗前晚亦有份角逐旅遊大使獎，穿上旗袍演奏揚琴，但她已預料空手而回，更自嘲翻生機會微：「畀人淘汰慣，平常心面對，最終贏輸都學到好多嘢。」相反，直入決賽的曾明俐首次被揭玩制服誘惑冧仔，被追問時口震震：「啲相係去萬聖節Party影，平時少飲酒，嗰張相只係攞住空酒樽影，我亦唔食煙，只係讀中學時試過食煙。」雖然口口聲聲否認是蒲精，但她承認相中攬着的男士是現任男友：「嗰啲相都係去萬聖節Party影嘅，一年一次着得特別啲，唔係咩『制服誘惑』！LamLee係我男友，但冇影情慾照，唔怕影響形象。」
鍾麗至今復活未卜，但已打定輸數。
曾明俐回應玩制服誘惑時口震震。