陳僖儀冇Cash幫襯舞男

黃柏高力捧的女新人陳僖儀（Sita）日前舉行完處女音樂會後，與妹妹搭凌晨飛機展開5日4夜東京之旅，Sita笑言此行是「電波少年」：「因為冇時間換錢，搞到冇Cash喺身，全程用信用卡。（埋單未？）找咗喇！成5位數字。」Sita表示難得有假期，故用盡一分一秒，一落機即飛奔到當地著名的樂園遊玩：「之前因為擔心音樂會嘅嘢！搞到唔夠瞓，雖然好攰，但唔想嘥時間，所以落機即去玩，攰到排隊都瞓着咗！」問到是否狂「濕平」？Sita說：「都有行街，亦有勁食。」她大方透露其中一晚經過疑似「鴨店」：「勁多靚仔企晒喺門口，仲走埋嚟派傳單。（有冇幫襯？）梗係冇，身上都冇錢，怕冇錢找數。」

Sita在樂園拿着氫氣球拍照，玩得相當開心。

Sita在東京街頭遊玩，並品嘗當地美食。