莊思敏讚王大業一流
莊思敏（Jacquelin）與皮草大王太子爺王大業（Andy）前晚在活動中同場，兩人不避嫌談及對方兼大方合照。首先到場的Andy表示知道會與緋聞女友Jacquelin同場，問到可有發展可能？他說：「任何人都唔排除呢個可能，好難講！佢OK，幾Nice！（係咪你心儀嗰類型？）自己冇特定話點先係心儀對象，要溝通到，同佢都溝通到。」問到可會介意女友整容及隆胸？他說：「冇諗過呢個問題，大家係朋友，冇諗過咁深入，我又好似冇女朋友有整過！」
而Jacquelin則表示Andy仍未開始展開追求，問到可會想Andy追求？她說：「隨緣！係女仔都想多人追，冇得逼人追我嘅！（會唔會接受佢嘅追求？）假設性嘅問題好難答，做朋友係一流嘅！」
莊思敏與王大業無懼緋聞，大方合照。