賭王催猷亨結婚

賭王何鴻燊與四太梁安琪的兒子何猷亨放暑假回港，前晚出席活動時透露與身在上海的女友同樣要做暑期工，而四太則爆兒子與女友感情穩定，還笑言賭王催婚！

何猷亨前晚出席LANDMARK MEN活動，問到為何不跟女友一起出席？他說：「佢喺上海做暑期工呀！我就喺香港做，份工係媽咪介紹嘅，做番同我讀嘅嘢有關，我依家喺英國讀大學工商管理一年級！」雖然貴為賭王兒子，但猷亨跟普通打工一族沒有分別，上班時間為朝九晚五，難得他不怕辛苦，並謂下周會做第二份暑期工。問到會否飛往上海探女友？他說：「我都想呀！但冇機會，因為我要返工，周末就要準備嚟緊嘅保良局慈善活動。（同媽咪跳舞籌款？）我唔係細佬，我跳舞唔叻！（媽咪捐幾多錢支持？）佢已經支持咗好多，教我好多嘢，畀我好寶貴意見，佢話唔一定籌到錢，但唔好蝕！」對於姊姊超盈失戀，猷亨表示有慰問家姐。

此外，四太透露有見過猷亨的女友，問到印象如何？她說：「幾好，我都幾鍾意！（賭王鍾唔鍾意？）佢個個都鍾意o架啦！（有冇催婚？）佢不嬲都想啲仔女快啲結婚！」

JC見人拍拖擰歪面

另外，同場的「警鐘模」Jessica C.谷胸現身，非常性感！她透露在美國的租約已滿，要回當地找房子，並謂想在香港置業，希望在香港可以有個家！問到跟自爆的心儀對象發展如何？她笑說：「我哋依家仲係朋友，有時自己見到啲情侶拍拖都會唔開心擰歪面o架！」