林莉送「心」氹長者

轉戰模界的林莉昨日與羅力威等出席社區活動，近來忙於工作的她即場分享與長者相處的心得：「今日好開心同咁多位哥哥姐姐一齊玩，一陣會唱《月亮代表我的心》氹老人家。依家搬出嚟自己住，每星期都會抽時間返屋企食飯。屋企人鍾情古裝歷史片，所以都會陪佢哋一齊煲劇。（近排都係忙Model工作？）依家上堂學緊Catwalk，都幾貴！一堂兩個鐘，每堂都要成萬蚊，但老師讚我好有Potential（潛質）同獨特性，好開心！總共要上六堂，依家開始行騷實戰吓。（今年仲會唔會出寫真？）唔會啦！想主力放喺Model同行時裝騷。」

林莉堅持抽時間與家人食飯，如此孝順，難怪冧得婆婆激讚。