擔心影衰o靚模 Rainbow轟譁眾取寵
今年同樣有份打寫真戰的o靚模組合「冬甩」，成員Rainbow（胡心諾）昨日為有份投資的意大利餐廳做宣傳，即場炮製意粉兼獲師妹Ar Yu、Elke及Elise撐場，但「峰」頭卻被Deep V示人的Ar Yu蓋過。首次做生意的Rainbow透露今次動用約六位數字入股，但開張三個月仍未回本，問到做老闆娘後會否變得錫身？她謙虛地說：「唔會！遲吓都出寫真，我只係股東，唔算老闆娘！」對於同門師妹Cammi被指工作較多，Rainbow說：「花無百日紅，我都想多元化發展！」
另外，Rainbow得悉黃榕於公眾地方全裸影寫真，她說：「冇睇到佢係點裸露法，我哋本寫真都有街景，但公眾地方點都會着番件衫，而且我哋係走少女味同天真路線。（驚外界對o靚模印象更負面？）驚o架！咁譁眾取寵。（想睇佢本寫真點露法？）冇乜興趣喎！」
Rainbow（中）即場炮製意粉，餵飽Elke（左）與Elise！
Ar Yu身穿低胸裝撐師姐 Rainbow，成功搶去焦點。