祖詩慘遭擺上枱隔空同場

容祖兒與劉浩龍驚爆「龍兒戀」後，有傳惹來好友何韻詩不滿，無綫食住條水搞噱頭，在今晚的「紅白鬥」中擺緋聞男女上枱谷收視！據知，阿詩已錄好片段撐由祖兒領軍的紅組，而祖兒亦會大方介紹阿詩「出場」！

自爆出「龍兒戀」後，即傳出祖兒、浩龍及阿詩決裂，無綫將焦點人物及緋聞男女，包括祖兒及阿詩、李蘊及魔術師男友劉謙、羽翹及羅力威等擺上枱，齊齊雲集今晚的《2012翡翠歌星紅白鬥》搶收視！祖兒今晚以紅組隊長身份載歌載舞，由於男友浩龍已接拍城電劇集，這對戀人不會在節目中亮相，反而另一亮點是祖兒與阿詩會否同場！

祖兒Tag詩出場

據知，在最初的演出名單內阿詩冇份亮相，因為她要與台灣歌手蕭敬騰開騷，但無綫卻在昨晚阿詩的音樂會上預先錄影，並在今晚播出，讓阿詩力撐由祖兒領軍的紅組，造就兩人自事件後首度在節目中隔空同場，屆時祖兒還不介意介紹阿詩「出場」，相當大方！

祖兒昨日出席拜神儀式時，問到阿詩會否為節目錄影？她笑說：「林子祥呀？（何韻詩呀？仲係朋友？）係呀！日日都問嘅！（佢避你？）佢做騷，你哋有冇做功課？（你到場欣賞？）我要綵排，唔識分身！救命呀！（安排得啱啱好？）唔關事，係大會安排！」她還拉開話題：「今日主角唔係我，係阿Kay（謝安琪），我冇焦點，Out Focus好低調！」至於阿詩前晚則親身捧好友盧凱彤的音樂會場，相當唔話得！

李蘊將劉謙降呢

另一對緋聞情侶李蘊及劉謙近月屢傳分手，昨日兩人亦玩前後腳現身。有本報讀者爆料指二人年底結婚，不過李蘊接受電話訪問時否認：「冇可能，黐線！」據知他們近月常為小事爭吵，加上分隔兩地，李蘊承認與劉謙已有一段時間沒聯絡，又將對方降呢為「朋友」，問到是否分手？她嗚咽說：「不如你問番佢啦！男仔答好啲！（劉謙想箍煲？）救命！冇呀冇呀！」她前晚綵排時再度否認整容：「唔知點先令大家相信，發誓都冇用！（劉謙幫你變臉？）朋友啫！」至於劉謙至截稿前仍未回覆。