薛凱琪用布遮瘀傷

薛凱琪(Fiona)昨出席HUNTER活動,明天舉行處女演唱會的她透露曾到紅館睇舞台:「好感恩,真係好宏偉。」因排舞撞瘀雙腳的她笑說:「因為點化都遮唔到啲瘀傷,所以已叫設計師用多啲布遮住。(點解仲出席活動?)之前推咗好多戲同廣告,係時間幫補番。」記者笑她已有過千萬身家,Fiona以「獨女」和「負擔好重」回應,相當風趣。

此外,為籌備紅館演唱會,Fiona推掉多部電影及劇集,以免效果欠佳令自己後悔,她說:「如果唔完美,咁做嚟做咩?到我死嗰日係做過好多嘢,但冇一樣係代表作,咁點對得住自己?點對得住畀錢支持你嘅觀眾?」

她更親自執導新歌《倒刺》MV,並邀得電影好友班底助陣,而公司亦落重本支持:「多謝公司嘅信任,我都好認真、花咗好多時間去準備。」歌曲內容講述贖罪,她坦言此歌對她意義重大,曾患抑鬱症的她說:「之前經歷過啲嘢,明白到心結一定要解開,原諒所有傷過我嘅人,如果成日有怨氣,做咩都唔好!」 

Fiona出席活動,笑言搵錢幫補家計。