高皓正何基佑夾錢開舖約法三章
藝人高皓正及何基佑跟友人在元朗開設食店「一口和味」，兩人雖然工作十分忙碌，但仍會經常返舖頭幫手，由招呼客人到店舖裝修、執拾，全部都有參與，兩位老闆可說十分勤力！開業三個月，生意不俗，招牌菜燒羊架更相當好賣，兩人希望一年內可以有錢賺！
談到不少老友合作做生意會擘面收場，高皓正與何基佑卻很有信心，因事前兩兄弟已約法三章，何基佑說：「我哋事前已經傾好，做舖頭只係一門生意，兄弟感情最重要。」而高皓正則說：「雖然呢三個月會有意見分歧嘅時候，但會令我哋更加了解對方，所以我覺得我哋嘅感情更加深。」此外，他們感謝藝人前來捧場支持，如關心妍及周永恒等，部分藝人為了幫他們不惜向經理人公司「申請」來食店做宣傳。
高皓正（左）與何基佑兄弟同心，搞好新舖。