Ar Yu練口技玩SM 「裸」膽

休戰一年的o靚模Ar Yu（曾寶玲）強勢回歸出寫真！向來和善的她決心一改「鵪鶉」性格，苦練「口技」練寸嘴，不想再在口水戰中被淹沒，並會去到盡大晒食極唔肥的索爆Body！

冬甩成員Rainbow（胡心諾）、Ar Yu（曾寶玲）、Elke（陳芷敏）及新血Elise（陶嘉瑩）今年拍住上推出寫真，前年有份參戰的Ar Yu休戰一年後強勢回歸，決心凸圍而出的她瞓身騷胸搏到盡！

壓力大到瘦

論外表，Ar Yu擁D Cup上圍配纖幼四肢，視覺效果爆燈，出道時更有「翻版蔡依林」美譽，奈何寫真戰屬是非之地，各模靠互踩互寸上位，令性格被動的Ar Yu一直未被重視。Ar Yu深明性格弱點，故今年以破釜沉舟的心態，每日逼自己對陌生人多講說話練「口技」及膽量，希望可從寫真口水戰中彈出！她說：「我一向唔係咁叻講嘢，出道時對住鏡頭個腦仲會一片空白，依家好咗好多，會試吓點樣講嘢搞笑啲、有Point啲，就算寸少少都可以接受，總之希望爭取更多機會！」

未知是否壓力太大，Ar Yu體重又下降，上圍雖然有少少縮水但依然甚有睇頭，令姊妹勁妒忌：「我有飲增肥奶粉同食維他命丸，可能我懶食所以冇效，其實我想人哋叫我肥妹！」她透露今年寫真尺度比往年大，會大玩全裸及手銬SM Feel，其中全裸拍攝當日全靠攝影師的激將法令效果更好：「我開頭都未放得開，但佢同我講外國Model都成日裸體，我即刻大膽起嚟，擺好多甫士都冇問題！」

Ar Yu曾寶玲

年齡：23歲

身高：166cm

體重：43kg

三圍：32D、23、33