羽翹擇偶最怕冇幽默感

「美容達人」羽翹，唱歌彈琴美容絕對難不倒她。近日她處女下海參與舞台劇演出，入行三年的她坦言終於學會了「執生」技巧！

創作歌手羽翹（Ava）早年雖有參與電影的演出，不過演技非常幼嫩。近期她獲邀參演舞台劇，她笑言未知是否因為在新歌MV的演技太差勁的關係，所以被「睇中」誠邀合作。今次舞台劇以辦公室和性感作賣點，不過她表示不用性感上陣，劇中角色是飾演一個表裏不一的人，她說：「其實我係飾演一個外表斯斯文文嘅女仔，但性格會係大癲大肺，仲會喺人哋背後用粗口鬧人添o架！」

雖然距離公演尚早，大家只是排練了一天，Ava表示從其他演員身上學會了享受：「佢哋好玩得，好識變通。」她表示每做一件事都會預先準備，當有突發的事情時，她會顯得不知所措。反而在排練的時候，當劇本有所改動，甚至全部改動時，演員都會處之泰然，坦言學會了「執生」。

承認羅力威是「好友」

至於與羅力威緋聞傳足一年，Ava堅稱二人是好朋友關係。問到擇偶條件時，她說：「我個人好奇怪o架！一日用好多時間去諗嘢，如果大家溝通唔到，步伐唔一致，真係好難囉！」

問到甚麼類型的追求者不作考慮時，她說：「我本身幾開朗，如果佢成日都有負面情緒嘅話，就真係唔得囉！」她更揚言如果追求者欠缺幽默感亦不作考慮，擇偶條件要求甚高！