江若琳變42吋超模

寰宇藝人江若琳(Elanne),近日獲著名時裝設計師何國鉦(Dorian)打造全新造型拍攝新一輯官方宣傳照,穿上Dorian度身訂造中性服的Elanne,頓時蛻變成九頭身美女,她滿意地說:「今日無端端多咗對42吋長腿,好難得咁Cool同咁性感。」Dorian力讚Elanne十足超級名模:「佢比例幾好,雖然唔係好高,但着衫易Carry。佢影相仲好有Super Model Feel,一埋位就充晒電。」他踢爆Elanne現時瘦至連加細碼也不合身,Elanne卻笑言現階段是歷年最瘦:「嗰陣拍《高舉‧愛》要增肥廿磅,我睇番真係頂唔順自己肥到走晒樣嗰個樣,所以一直好努力Keep Fit。」

Dorian又踢爆身穿開胸上衣的Elanne沒有黐膠紙防走光,Elanne即調皮地自嘲:「你見到嘢咩?」他笑指熟絡後才知Elanne「表裏不一」:「佢原來男仔頭性格o架!以前以為佢好公主。」在旁的Elanne即打趣指Dorian遭其公司打造出來的形象蒙騙。

穿上Dorian度身訂造中性服的Elanne,變成九頭身美女。

何國鉦指江若琳外表似公主,性格卻男仔頭。