岑寶兒突破打敗「阿夢」
女藝人岑寶兒因常被人感覺魂遊太虛而被冠上花名「阿夢」，孩子氣的她原來已入行12年，一直在無綫做花瓶角色，最近的起心肝過檔城電，希望事業有突破：「簽咗三年約，接觸嘅嘢多咗，眼界大開。」在城電重新出發的阿夢表示以前有機會流走也不知道，現決心突圍：「10年前我有機會做獎門人，10年後嘅今日我做《怪談》，再過多10年可能冇機會，就再拍劇，都要以唔同方式去演，唔會再畀以前嘅阿夢大家睇，我要突圍，要爭取，要進步，好想打敗以前嘅阿夢，我已經大個女，有機會就要做到最好，人哋係會睇得到。」阿夢不停增值，2007年讀了3年多室內設計及平面設計：「我腦裏面有啲唔同嘅嘢，所以去進修，睇報紙增值，我覺得需要多啲內涵。」
岑寶兒表示已經大個女，有機會就要做到最好。