諸葛出碟無期 呻HotCha搶晒資源

「薛王妃」諸葛紫岐（Marie）率領老公薛嘉麟旗下組合HotCha成員Winkie及Crystal行騷，更親自傳授心得。雖然三人感情要好，但Marie笑言公司把資源全放在HotCha身上，自己未能登上一姐寶座。

老闆娘諸葛紫岐（Marie）昨日首度與旗下女子組合HotCha成員Winkie及Crystal擔任時裝展模特兒，一同行貓步。三人在台上默契十足，騷後Winkie及Crystal均高呼緊張，但不忘感激老闆娘傳授行騷秘訣。

Marie笑言跟她們私交甚篤：「唔使開工都經常約出嚟食飯飲嘢，當佢哋係妹妹，我自己又冇兄弟姊妹！」她更大讚二人行騷十分有水準，有99分，還有1分進步空間。問到計劃出唱片的她可會請教二人唱歌？她即扁嘴說：「都唔知幾時！公司將資源放晒喺佢哋度，搞掂佢哋先到我啦﹗」

拒學法拉做一姐

對於「妯娌」陳法拉被公司捧為一姐，豈不是「平起平坐」？她即說：「我唔係一姐，公司咁多人才，未到我！」而被追問造人大計時，她坦言尚未有好消息公布：「有就通知大家！（鍾意仔定女？）仔女都冇所謂。」