杏兒篤爆嘉穎片酬高

前晚在北京奧體中心舉行的《2012華鼎亞洲演藝名人頒獎禮》,無綫「視帝」鄭嘉穎和「視后」胡杏兒雙雙奪得大獎,鄭嘉穎奪得「中國電視劇演員公眾調查第一名」殊榮,在電視劇演員類別得票最高的他說:「感謝投我一票嘅每位觀眾,希望以後能多拍一啲作品來答謝觀眾。」杏兒則奪得「中國最佳電視劇女演員」獎項,兩人在頒獎禮上被問到誰的片酬最高,杏兒指着嘉穎笑說:「邊個能夠高過佢?」嘉穎則反擊說:「亂講,我依家連一間別墅都冇。」杏兒先返港,嘉穎則要下星期二才返港,無綫計劃為他們舉行慶功宴。高層樂易玲接受電話訪問時說:「身為阿媽,仔女攞獎好應該請食飯嘅,但係嘉穎搵咁多,計落應該佢請先啱,嘉穎好闊綽嘅,等佢返到嚟約齊人慶祝。」

胡杏兒和鄭嘉穎齊奪大獎,興奮不已。

胡杏兒