婷婷唔知阿哥有冇沖涼

謝婷婷與林莉昨日出席髮飾品牌活動，同場還有懷孕7個多月的歌手李樂詩。婷婷透露父親謝賢曾教她只用清水洗髮而不用洗髮水，可預防脫髮，但婷婷不肯聽從：「我哋曾經為呢件事鬧交，佢點可以用我個頭同佢比，我頭髮都多過佢。」記者指有傳其兄謝霆鋒不喜歡沖涼洗頭？她笑說：「可能哥哥會連水都唔用，我唔知佢幾耐唔洗頭，但佢個頭唔臭，好香。（男友Andy會唔會咁？）唔會，佢同哥哥拍戲時住埋一齊，佢問點解你哥哥可以咁，Andy試過畀條新毛巾哥哥，哥哥話唔需要，唔知哥哥係咪唔沖涼。」婷婷又指霆鋒的髮型長期Gel硬，可以做髮泥代言人，其後才搞笑地說：「我再爆（料），會畀人打！」

婷婷透露父親謝賢教她只用清水洗髮，可預防脫髮。

懷孕7個多月的歌手李樂詩，腹大便便到場。